Башҡорт халыҡ ижады. Мәҡәлдәр һәм әйтемдәр

Өфө: Башҡортостан китап нәшриәте, 1980. — 472 бит.
Төҙөүсеһе, инеш мәҡәлә һәм аңлатмалар авторы Фәнүзә Надршина. Томдың яуаплы редакторы Кирәй Мәргән.Башкирское народное творчество: пословицы и поговорки (на башкирском языке).Башҡорт теленә, шулай уҡ күпселек башҡа төрки телдәренә, ғәрәп теленәнингән «мәҡәл» термины урынлы, йәки кәрәк ерҙә әйтлгән тапҡыр һүҙ тигән мәғәнәне аңлата. «Мәҡәл һүҙе башҡорт теленә килеп кергәнгә тиклем, — тип яҙҙы проф. Ж.Ғ. Киекбаев ,— боронғо башҡорт телендә уның мәғәнәһен биргән төрлө һүҙҙәр (терминдәр) ҡулланылған: мәҫәлән, бабайҙар һүҙе, боронғолар һүҙе, тапҡыр һүҙҙәр һәм, ахыр сиктә, әйтемдәр». Хәҙерге көндә лә халыҡ араһында мәҡәл термине менән бер рәттән «ололар һүҙе», «боронғолар әйткән һүҙ», «ата бабаларҙан ҡалған һүҙ» тип һөйләү йыш осрай. Мәҡәлгә ата-баба мираҫы итеп ҡарау башҡа халыҡтарҙа ла киң таралған. Мәҫәлән, азербайжан халҡында мәҡәл — «аталар сөзү», сыуашта — «ваттисем калани» (ҡарттар һүҙе), мариҙәрҙә — «тошто ен мут» (ҡарттар һүҙе), якут халҡында — «өс хоһооно» (ата-бабалар һүҙе) тип йөрөтөлә.